- Inicio
- Rede de Parques Nacionais
- Os nosos Parques
- Illas Atlánticas
- Conservación y biodiversidad
Illas Atlánticas de Galicia: Usos compatibles
O Parque Nacional traballa na regulación dos usos que se levan a cabo no seu territorio, co obxectivo de que estes usos se desenvolvan sen afectar negativamente aos ecosistemas. As principais actividades levadas a cabo son o turismo e a pesca, estando ambas controladas e reguladas polo Parque Nacional ou pola normativa subsidiaria que está vixente, para garantir a súa sostibilidade.
Actividades pesqueiras e marisqueiras
A pesca e o marisqueo son actividades tradicionais en toda a costa galega, debido á extraordinaria riqueza do medio mariño, que sustentan poboacións de moitas especies moi apreciadas para o seu consumo, especialmente o marisco. Nos arquipélagos do Parque Nacional exércense estas actividades, que están controladas e sometidas a unha serie de limitacións. Así, só se permite a pesca e o marisqueo artesanal tradicional de carácter profesional, calquera outro tipo de pesca está prohibido (mesmo a deportiva). A finalidade destas regulacións é acadar unha actividade pesqueira que non poña en perigo as especies, comunidades, ecosistemas e paisaxes do Parque, é dicir, acadar unha pesca sostible.
Actividades turísticas e recreativas
O turismo é unha actividade importante nalgunhas das illas do Parque Nacional. Nos últimos anos as Illas Cíes recibiron aproximadamente uns 145.000 visitantes anuais e Ons uns 65.000, xa que en ambas existe un servizo regular de transporte de pasaxeiros para visitalas en Semana Santa, fins de semana de maio e período estival. Existen cotas de visita para evitar que se produza unha masificación excesiva que ocasione un deterioro dos ecosistemas. Hai determinadas zonas nas que, por razóns de seguridade do visitante, pola súa fraxilidade, ou polo elevado valor ecolóxico que representan, o acceso non está permitido. No caso, por exemplo, das zonas de cría de gaivotas de corvos mariños.
As actividades de mergullo, navegación e fondeo nas augas do Parque Nacional están reguladas mediante autorizacións, en cumprimento da normativa vixente e co obxectivo de que se realicen dun modo sostible.
Estanse realizando esforzos para promover un turismo comprometido co medio ambiente e co coñecemento dos valores naturais do Parque Nacional. O programa de educación ambiental con escolares, a oferta de itinerarios guiados e a elaboración de material divulgativo son algunhas das accións que se están realizando para acadar un uso público compatible coa conservación. Actividades como o sendeirismo e a observación de fauna e flora permiten ao visitante combinar o gozo coa interpretación da natureza.
Accesos Directos
![Descargar guía de visita del Parque [C. Suárez Medina]](/gl/red-parques-nacionales/nuestros-parques/islas-atlanticas/Gu%C3%ADa%20do%20Parque_tcm37-60635.jpg)
![Acceso a la Central de reservas [J.L.Perea]](/gl/red-parques-nacionales/nuestros-parques/islas-atlanticas/central%20de%20reservas_tcm37-60005.png)
No existen resultados con los criterios de búsqueda