Ave duns 57 centímetros. A femia é parda e o macho en época nupcial ten o pescozo e a cabeza de cor verde brillante e o peito castaño. Vive en augas abertas, nos bordes dos ríos e en xeral en todo tipo de vexetación acuática, véndose aumentada a súa poboación no outono polas aves noreuropeas. Algunhas veces en xaneiro víronse polos, pero é máis frecuente que estes aparezan a primeiros de marzo, cuns doce individuos. No verán acoden aos restrollos á tardiña para alimentárense e volven ao amencer á lagoa.